Аңлатмалы сүзлек

• Имана: 
• элекке авылда хисап вакытында билгеле күләмдә җир алырга хокукы булган ирләр җенесендәге кеше.
• җан башына бирелгән җир өчен казнага түләнә торган салым.

• Воеводалык – территориаль берәмлек.
• Пристав – патша Россиясендә җирле полиция башлыгы.
• Рассылщик – хатларны, Указ кәгазьләрен җибәрүче.
• Дьяк – Борынгы Русьта (XIV йөзгә кадәр) князьнең язу-сызу, секретарьлык эшләрен алып баручы.
• Подвод – җигүле ат (олау аты).
• Рекрут – реформага кадәрге Россиядә ясак түләүче катлаулардан яңа алынган солдат.
• Горух – төркем.
• Моддәт – вакыт, срок, ара.
• Денщик- патша Россиясендә армия һәм флотта офицерның яки түрәнең шәхси йомышларын, эшләрен башкарып торган хезмәтче солдат.
• Межа – ызан.
• Җикән – күл читендә, сазлыкта үсә торган кара чәчәк башлы, камышка охшаш үсемлек.
• Петиция – хөкүмәткә яки властьларга язма формада тапшырылган коллектив үтенече.
• Ычкыр – ыштан бавы.
• Алача – сугылган киндер тукыма.
• Киҗе-мамык – мамык җептән эшләнгән тукыма (мәсәлән, ситса.)
• Тәрәккый – алга китеш, үсеш.
• Гильдия – купецларның капитал күләменә карап бүленгән өч разрядның берсе.
• Меценат – фән һәм сәнгатькә материаль һәм мораль ярдәм күрсәтүче бай.
• Иганә – халыктан акчалата ярдәм, булышлык.
• Мәхәллә – шәһәр һәм авылның бер мәчеткә караган өлеше.